Ténpu ta korri faxi

N ka gosta di korri

Nton n tem ki anda faxi

Si n krê txiga na algun kau

N ka podi dimora

Kuzas di konxe é txeu

Má ténpu é poku

 

É txeu strada e txeu txon

Ki inda n ten pa anda

Ki as bês n ta xinti dizanimadu

Ku gana xinta pa-n ka labanta

Má é óras ki n ta sta disgostadu

Ki n ta lembra ma-n ka

Prendi modi ki ta dizistido

 

Txeu algen ta fla-n ma

Si n ka fazi faxi n ta fika pa trás

Má nha ténpu sta kuazi ta pasa

Pamodi el ta korri faxi

E mi n ten ki korri pa-n panha-l

Sinon el ta skapa-n di mô

 

N ta kontinua ta anda na es kaminhu

Ki es fla-n ma n debe anda

Riba nha méza, na nha frenti,

N ta odja kartas di pasadu

Na nha kósta, tras di mi

kuriozu i xeiu dúvida

Futuru sta só ta spreta-n

 

Linda Nascimento Rocha

(Verson na Kabuverdianu)